Kryeministri Edi Rama ka reaguar sot në lidhje me tërmetin që goditi Kroacinë. Ai shkruan në Twitter se ka komunikuar me homologun e tij dhe presidentin Milanoviç duke i ofruar solidaritetin e Shqipërisë.
Rama thotë se vendi ynë do t’u gjendet pranë kroatëve me ndihmën e saj modeste.
“U kam përcjellë sot shprehjen e solidaritetit vëllazëror Presidentit Milanoviç dhe Kryeministrit Plenkoviç, për fatkeqësinë mbi qytetin Petrinja! Shqipëria i është pranë me zemër Kroacisë mike e do të japë ndihmën e saj modeste për shërimin e plagës së hapur nga tërmeti i fortë” – thotë Kryeministri.
Ditën e sotme, një tërmet 6,3 ballë goditi Kroacinë, teksa u raportuan dëme të shumta materiale dhe të paktën dy viktima.
/a.r
