Ambasada shqiptare në Athinë reagoi për tërmetin në Ishullin Kos. Sipas ambasadës du shtetas kanë humbur jetën, një turk dhe tjetri suedez, ndërsa nuk ka shqiptarë të lënduar. Njoftiim lidhur me tërmetin në ishullin Kos të Greqisë
Pas interesimit tonë pranë Zyrës së Shtypit të Ministrisë së Mbrojtjes së Qytetarëve, nga tërmeti në ishullin Kos, deri tani ka njoftim zyrtar për humbjen e jetës së dy shtetasve (nje turk dhe një suedez). Gjithashtu ka 7 të lënduar rëndë por jashtë rrezikut për jetën, ndërmjet tyre nuk konfirmohen shtetas shqiptar. Njoftohet dhe për 130 të lënduar lehtë.
Ne do mbetemi në kontakt gjatë ditës sot për njoftime të përditësuara.
TURQI
Po ditën e djeshme një tërmet i fuqishëm tronditi edhe Turqinë. Ambasada jonë në Turqi bën me dije se nga tërmeti që goditi qytetin e Bodrumit nuk ka viktima apo të lënduar nga radhët e shqiptarëve.
“Ambasada Shqiptare në Turqi pas komunikimit me autoritetet Turke konfirmon se nuk ka viktima dhe as të lënduar qytetarë shqiptarë nga tërmeti i fuqishëm që goditi qytetin e Bodrumit në Turqi”, njofton ambasada.
ma.me
