Nga Shpëtim Luku
Nje ngjarje e jashtezakonshme eshte e vlefshme per te nxjerr ne pah permasat e nje skandali. Jo se per te nuk kane qene te vetedijshem qytetaret, porse perjetimi i pasojave te skandalit eshte kthyer ne praktike rutinore.
Termeti i 26 nentorit evidentoi akoma me shume “termetin” e shkaktuar nder vite nga ndertuesit dhe regjistruesit ne kurriz te qytetarit te zakonshem shqiptar.
Behet fjale per mijera apartamente te paregjistruara ose sikurse thuhet ndryshe te pahipotekuara. Dhe behet fjale per mijera apartamente qe kane kohe qe kane perfunduar, mirepo rezulton se “pronaret” e tyre thjesht kane blere deri tani kundrejt shumave te konsiderueshme vetem te drejten e fjetjes ne to.
Duke mos u regjistruar, ose per faj te ndertuesit abuzues ose per faj te zyrtarit te korruptuar te Kadastres, keto prona kane qene dhe vazhdojne te jene jashte tregut imobiliar, duke i privuar pronaret e tyrs nga e drejta e shitblerjes.
Jeta mund te ofroje plot mundesi per individin, mundesi keto qe zerohen ne kushtet kur nuk disponon aktin e pronesise. Aq e vertete eshte kjo sa opsioni “me hipoteke” qe haset ne njoftimet e ndryshme te apartamenteve te dala ne shitje duket me vlera te medha avantazhuese.
Privimi i dyte i ketyre pronareve eshte pamundesia per ta inkluduar pronen e tyre si kolateral ne sistemin bankar. Sikurse thame edhe me lart, realiteti eshte dinamik dhe ne momente te caktuara mund te improvizoje nevojen e sigurimit te nje kredie ne banke, por qe faktikisht ia mohon kete lloj aksesi ketyre qytetareve.
Pasoja e trete e “termetit” qe kane shkaktuar ndertuesit e papergjegjshem dhe zyrtaret e korruptuar eshte pamundesia per te perfituar nga lehtesite qe sugjerohen nepermjet ligjeve te caktuara sikurse eshte ai per reduktimin e takses se banesave pas kryerjes se rivleresimit te tyre.
Per kategorine e qytetareve qe aktualisht jane viktima te ketij “termeti” kjo eshte thjesht e pamundur. Pervecse mundesi e humbur, eshte edhe element pabarazie perballe ligjit.
Dhe e fundit, a eshte e veshtire te imagjinohet cfare mund te ndodhe me trashegimtaret, neqoftese pronari i “kontrates se sipermarrjes” ndahet nga jeta aksidentalisht?
