31 viktima dhe më shumë se dhjetë persona të mbetur nën rrënoja. Ky është bilanci i deritanishëm i tërmetit të fuqishëm që goditi Shqipërinë në në orën 03:54 të mëngjesit të së martës.
I gjithë vendin është me sytë nga Thumana ku tre pallate te shumbura në tokë lanë pas disa viktima, ku vijojnë të jenë të bllokuar persona të tjerë gjendja e të cilëve ende nuk dihet.
Ndërkohë bëhet me dije se deri në këto momente në spitalin e Traumës vijojnë të jenë të shtruar 32 persona të cilët janë dëmtuar nga tërmeti.
Mësohet se njëri prej tyre vijon të jetë në gjendje të rëndë shëndëtësore. Kujtojmë se nuk ka mundur të mbijetojë i riu i familjes Greku që mbeti nën rrënojat e pallatit që u shemb pas tërmetit në Thumanë.
Mësohet se në orët e para të mëngjesit të sotëm, 31-vjeçari Saimir Greku ka ndërruar jetë për shkak të lëndimeve të brendshme që kishte pësuar.
