Kryeministri Edi Rama tha se tërmeti nuk do ta pengojë miratimin e paketës AntiKÇK, por paralelisht do të punohet për krijimin e programit të rindërtimit të shtëpive.
Ai u shpreh se tërmeti preku më të varfërit dhe banesat më të dobëta. Shefi i qeverisë theksoi se programi i rindërtimit do të jetë shembull dhe se për këtë janë ofruar ndihma nga vende të shumta.
Rama zbuloi se pas një bisede me Erdogan është rënë dakord mbledhja e një tryeze me vendet e lindjes, për të ofruar ndihmën e tyre.
Ai konfirmoi se krahas punës së qeverisë dhe tryezës në fjalë, një partner i jashtëzakonshëm për të lehtësuar dhimbjen është edhe SHBA.
