Një tërmet me magnitudë 4,9 të shkallës rihter ka tronditur rajonin e Siçilisë pasditen e së premtes.
Sipas Qendrës Europiane të Sizmologjisë, epiqendra e tërmetit është regjistruar 44 kilometra të Capo d’Orlando.
Tërmeti ka rënë në orën 16:19 minuta, ndërsa ka pasur një thellësi prej 10 kilometrash. Nuk ka raportime për dëme materiale.
Disa përdorues, në X, kanë raportuar se tërmeti ishte ndjerë i fortë edhe në qytetin e Mesinas, në Palermo, ishujt Eolian dhe Reggio Calabria.
Çfarë po ndodh me nëntokën? Pas Santorinit, tërmeti
“Tryeza ime ka filluar të lëkundet paksa dhe unë jetoj në Palermo”,—shkroi një përdorues.
Për momentin nuk ka njoftime për dëme, as nga zjarrfikësit e Palermos dhe as nga ata të Messinas. Madje nuk kanë mbërritur kërkesa për ndihmë, edhe pse shumë veta – sidomos në Mesinë – kanë lënë shtëpitë e tyre dhe kanë dalë në rrugë nga frika.
Në të njëjtën kohë, një tjetër tërmet i fuqishëm, 4,9 rihter është regjistruar edhe në ishullin e Santorinit në Greqi, i cili prej ditësh është tronditur nga qindra tërmete.
