Hetuesit rusë kanë bërë të ditur mbrëmjen e së premtes se kanë tërhequr 10 trupat pas përplasjes së aeroplanit me të cilin po udhëtonte kreu i grupit Wagner.
Pas përplasjes së mjetit fluturues humbi jetën edhe Yevgeny Prigozhin. Tashmë mbi trupat do të kryen analizat e ADN-së për të konfirmuar identitetin e tyre.
“Komiteti Investigativ Rus vijon të hetojë mbi rastin kriminal të aksidentit ajror në Tver Oblast,” u bë e ditur në një deklaratë të publikuar të premten në Telegram.
Të dhënat e fluturimit dhe materiale të tjera pritet që të procesohen tashmë dhe të dërgohen për ekzaminim forsenik.
“Gjatë hetimeve janë gjetur regjistruesit e fluturimit. Vazhdon ekzaminimi i detajuar i vendit të ngjarjes. Për momentin po sekuestrohen sendet dhe dokumentacioni që lidhet me të gjitha rrethanat e rrëzimit të avionit dhe po dorëzohen për ekspertizë mjeko-ligjore”, vijon postimi.
Komiteti tha gjithashtu se të gjithë skenarët e mundshëm për shkakun e incidentit janë duke u shqyrtuar.
