Tërheqja e ushtrisë amerikane nga Afganistani ishte e pa mendua mirë dhe u realizua vetëm brenda disa ditëve. Kështu theksojnë tre zyrtarë të lartë të Departamentit të Shtetit të pyetur në një seancë dëgjimore nga Dhoma e Përfaqësuesve. Dëshmia e tre zyrtarëve me dyer të mbyllura hedh dritë për orët e fundit të pranisë amerikane në Afganistan dhe rolit të Shtëpisë së Bardhë. John Bass, Jim De Hart dhe Jayne Howell, u hoqën të gjithë nga detyra dhe u larguan nga Afgnaistani vetëm disa orë pasi Kabuli ra në duart e Talibanëve. Zyrtarët amerikanë fajësojnë Departamentin e Shtetit për vonesën e planit për evakuim dhe për një mungesë totale koordinimi.
“Ne ishim tashmë në mes të ekzekutimit të një evakuimi që në mënyrë të konsiderueshme e tejkaloi, shtrirjen dhe shkallën e asaj që ishte menduar”, tha John Bass, ish-Ambasador i SHBA në Afganistan.
Por, Departamenti i Shtetit e ka mbrojtur planin për tërheqjen e ushtrisë amerikane nga Afganistani. “Ishte vendimi i duhur për t’i dhënë fund luftës 20-vjeçare në Afganistan, luftës më të gjatë në historinë amerikane, dhe për të sjellë trupat tona në shtëpi”. Ky vendim i ka lejuar SHBA-të të adresojnë më mirë sfidat e politikës së jashtme të së tashmes dhe të së ardhmes, duke përfshirë konfliktet e vazhdueshme në Ukrainë dhe Lindjen e Mesme”. Departamentit Amerikan i Shtetit.
Dëshmia e tre zyrtarëve të lartë amerikanë është pjesë e një hetimi që drejtohet nga republikani Michael McCaul në lidhje me evakuimin e ushtrisë amerikane nga Afganistani në vitin 2021, ku mbetën të vrarë 13 persona, pjesë e stafit amerikan.
/a.r
