Drejtoria e Përgjithshme e Parandalimit të Pastrimit të Parave ka gjobitur me 3 milionë lekë një bankë të nivelit të dytë nga e cila Nuel Kalaj ka tërhequr 7 milionë euro.
Sipas Drejtorisë, mosraportimi i tërheqjes së kësaj shume si të dyshimtë përbën një shkelje administrative të parashikuar nga Ligji “për parandalimin e pastrimit të parave dhe financimit të terrorizmit”.
Në njoftimin drejtuar bankës, Institucioni thekson se masa e gjobës është titull ekzekutiv dhe duhet të ishte paguar brenda 10 ditësh në llogarinë e thesarit të Drejtorisë së Përgjithshme të Parandalimit të Pastrimit të parave.
Kalaj është nën hetimin e Komisionit të Posaçëm Parlamentar për privatizimin e Operatorit të Shpërndarjes nën akuzën se ka luajtur rolin e sekserit gjatë procedurës së privatizimit./Shqiptarja/a.m.
