Kryeministri Edi Rama ka vijuar turin e tij të prezantimeve të kandidatëve për kryetar bashkie në qytetin e Tepelenës, ku ka prezantuar Tërmet Peçit si kandidat të mazhorancës në zgjedhjet e 21 qershorit.
Në fjalën e tij Rama ka evidentuar reformat të cilat janë ndërmarrë në 18 muajt e qeverisjes së tij dhe kanë sjellë transformim në këtë qytet.
“Është vota e 23 qershorit që i hapi rrugë investimeve për Tepelenën. Ajo që ka ndodhur në 18 muaj është vetëm fillimi i një pune për transformimin e Tepelenës një nga qytetet më të bukura”, tha Rama
Rama shprehur bindjen se Tepelena më 21 qershor do të votojë Tërmet Peçin për të vijuar në drejtimin e duhur.
“Kemi ndërtuar sëbashku një sërë projektesh, që rinxorrën në pah këtë kala që është një vlerë e trashkimnisë kulturore për të gjithë Tepelenën por edhe për të gjithë shqipërinë. Dhe jam i sigurtë që këtu do të ndalen vizitorë të shumtë nga brenda dhe jashtë Shqipërisë. Këto monumente duke mos na harruar kurrë se nga vijmë na përcaktojnë qartë se ku duam të shkojmë. Para 18 muajsh Tepelena ishte e rrethuar dhe e izoluar nga pushteti armiqësorë në Tiranë. Ku bashkitë e drejtuara nga socialistët donte ti merrte me çdo kusht. Duke i lënë njerëzit në rrënim dhe mjerim. Është vota e 23 qershorit që i hapi rrugë investimeve për Tepelenën. Pavarsisht harreses dhe braktisjes Tepelena nuk e braktisi kurrë Partinë Socialiste. Ne në 18 muaj nuk kemi reshtur së punuari për ti kthyer Tepelenës atë që meriton. Ajo që ka ndodhur në 18 muaj është vetëm fillimi i një pune për transformimin e Tepelenës një nga qytetet më të bukura: Si rrugët që lidhin qytetin me spitalin, bulevardi, shkollat dhe të tjera aspekte. Garantimi i mjekëve specialist për spitali sepse ata që janë janë drejt pensionit.” theksoi Rama.
Duke folur për kundërshtarin e Peçit në këtë qytet, por dhe për të gjithë kandidatët e Partisë Demokratikë për bashkitë e vendit që garojnë në zgjedhjet e 21 qershorit, Rama u shpreh se kandidatët e PD-së nuk janë vendosur për të bërë punë, por për të mbajtur peng qytetin, ndaj ata “nuk i duhen as dreqit”-, shprehet ai
“Këta kandidatë që keni ju këtu nuk i duhen as dreqit, jo më Tepelenës. Kandidatët e PD janë vendosur nga SHQUP-i jo për të bërë punë, por për ta mbajtur peng qytetin, për t’i dhënë oksiqjen SHQUP-it. Mundohet të mbledhë votat duke përfituar nga pakënaqësia e shumë njerëzve që janë të varfër dhe të papunë, por nuk janë budallenj të hanë ato që thotë SHQUP-i. Kush ka jetuar me punë dhe i di hallet e punës e di shumë mirë se problemet e shumtura të mbartura në 20 vite nuk mund të zgjidheshin në një kohë kaq të shkurtër”, tha Rama.
