Prokuroria për Krime të Rënda dërgon për gjykim kërkesën për 7 persona, të akuzuar se kanë tentuar të trafikojnë me skaf drejt Italisë një sasi prej rreth 780 kg lëndë narkotike canabis sattiva, me pikënisje lagunën e Vilunit, në bregun e Velipojës.
Të akuzuarit, të cilët janë hetuar në masë sigurie “arrest në burg”, rezulton se kanë siguruar, transportuar dhe marrë masat për imbarkimin e lëndës narkotike në një mjet lundrues skaf dhe kanë tentuar ta trafikonin drejt brigjeve të Italisë, në shtator të vitit të shkuar.
Gjatë operacionit të zhvilluar nga policia në datat 30 dhe 31 shtator të viti 2014, së bashku me sasinë e lëndës narkotike, u sekuestrua edhe një skaf, që do përdorej për transportin drejt Italisë të drogës.
Aktualisht po punohet më tej nga policia për lokalizimin dhe arrestimine personave të tjerë të shpallur në kërkim në kuadër të kësaj çështjeje.
