Mëngjesin e sotëm tre makina janë gjetur mes dallgëve të detit në zonën e Plazhit të Vjetër në qytetin bregdetar.
Nga të dhënat e para dyshohet se tre fuoristradat ngecën në ujë në tentativë për të nxjerrë një gomone nga deti. Njëra nga makinat ka karel, shkruan “shqiptarja.com”.
Pasi ngeci e para, tentuan dy të tjerat për t’i nxjerrë, por kishin të njëjtin fat. Pas sinjalizimit kanë mbërritur agjentët e krimeve. Në det ndodhen vetëm makinat, ndërsa gomonia është larguar.
