Policia ka konstatuar tre raste të drejtuesve të mjeteve në thyerje të rregullave të qarkullimit rrugor. Tre shoferët kanë tentuar të korruptojnë policët rrugorë duke iu ofruar para për të shmangur masat administrative.
Policia njofton se të tre shtetasin janë proceduar penalisht.
“Gjatë kontrolleve parandaluese, shërbimet e Policisë Rrugore kanë konstatuar në shkelje automjetet me drejtues shtetasit Xh. D., 62 vjeç, K. C., 28 vjeç dhe E. P., 21 vjeçe. Me qëllim shmangien e masave administrative për shkeljet e kryera, këta shtetas i kanë ofruar punonjësve të Policisë, shuma të ndryshme parash”, thuhet në njoftim.
Drejtuesit e mjeteve akuzohen për veprën penale “Korrupsioni aktiv i personave që ushtrojnë funksione publike”.
/a.r
