Në kuadër të masave të ndërmarra pas aksidenteve që kanë ndodhur ditët e fundit, Policia Rrugore ka vijuar kontrollet në rrugë të ndryshme të vendit. Nga kontrollet kanë rënë në pranga 2 shoferë të cilët kanë tentuar të korruptojnë efektivët e policisë me 2000 Lekë.
Po ashtu mësohet se janë arrestuar 14 drejtues mjetesh, nga të cilët 6 për drejtim mjeti në gjendje të dehur dhe 8 për drejtim mjeti pa leje drejtimi.
Policia ka pezulluar dhe 57 leje drejtimi, nga të cilat 38 për drejtim mjeti me shpejtësi tej normave të lejuara dhe 19 për drejtim mjeti nën efektin e alkoolit apo në gjendje të dehur.
Nga kontrollet janë zbuluar dhe 2345 që kanë shkelur rregullat e qarkullimit rrugor dhe janë ndëshkuar me gjobë.
/a.r
