Në kuadër të operacionit “Lastra” për goditjen e aktivitetit kriminal për falsifikimin e kartëmonedhave dhe tentativës për t’i futur ato në vendin tonë është bërë arrestimi i 45-vjeçarit me iniciale Z.N me leje qëndrimi në një nga vendet e BE-së. Ai dyshohet se në bashkëpunim ka tentuar që të fusë rreth 1 milion euro të falsifikuara në vendin tonë.
Më herët, në kuadër të këtij operacioni është arrestuar kamerunasi me iniciale J. N. Gjatë kontrollit nga shërbimet e policisë, në bagazhet e këtij shtetasi janë gjetur sasi e konsiderueshme kartëmonedhash të dyshuara të falsifikuara dhe lastra (letra që përdoren për të prodhuar kartëmonedha të prerjeve të ndryshme).
Në cilësinë e provës materiale u sekuestruan 1 milion e 75 mijë Euro të dyshuara të falsifikuara, lastra, letër speciale për prodhimin e kartëmonedhave euro dhe një aparat celular.
Materialet iu referuan Prokurorisë së rrethit Gjyqësor Tiranë, për veprime të mëtejshme.
/a.r
