Një ngjarje e rëndë ka ndodhur mëngjesin e sotëm në Vlorë, ku një person ka tentuar të vrasë bashkëjetuesen e tij.
Ngjarja, sipas policisë, ka ndodhur në lagjen “Pavarësia”, ku Qeriman Maraj, ka tentuar të vrasë me armë zjarri tip Pistoletë, bashkëjetuesen e tij, Sh.Sh., 29 vjeçe, në banesën e saj.
Mësohet se e gjithë ngjarja ka ndodhur në sy të dy fëmijëve të mitur.
Policia, pasi ka vajtur në vendin e ngjarjes ka bërë të mundur neutralizimin e personit si dhe bllokimin në cilësinë e provës materiale të armës së zjarrit bashkë me 1 krëhër dhe 15 copë fishekë të kalibrit 9 mm.
Maraj është prangosur nga policia.
