Në prangat e policisë së Fierit ka përfunduar një 48-vjeçar, pasi akuzohet se ka ushtruar dhunë fizike dhe psikologjike ndaj bashkëshortes së tij.
Mësohet se Fatmir C., 48 vjeç, banues në lagjen “Liri” Fier, në banesë ka ushtruar dhunë fizike e psikologjike si edhe ka tentuar të godasë me një kaçavidë bashkëshorten e tij M.C, 42 vjeçe.
Madje e gjithë ngjarja sipas policisë ka ndodhur në prezencë të vajzës së tyre të mitur 16 vjeçe.
Në lidhje me ngjarjen, policia thotë se materialet hetimore ia ka kaluar Prokurorisë pranë Gjykatës së Shkallës së Parë Fier për veprën penale “Dhunë në familje”. /b.d
