Tenton të përdhunojë gruan e shokut, arrestohet
Një grua në Tiranë ka denoncuar tre tentativa përdhunimi nga shoku i bashkëshortit të saj. 34- vjeçarja M.K., me banim në Valias gjatë së shtunës ka bërë denoncim në polici ndaj 45- vjeçarit Bardhok Kurti.
Gruaja tha para uniformave blu se Kurti ishte emigrant në Greqi dhe së fundmi ishte kthyer në atdhe. Në tre raste të ndryshme, i fundit i ndodhur të shtunën ai ka tentuar të përdhunojë M.K., gjatë kohës që gruaja ndodhej në banesë bashkë me fëmijët. Kanë qenë vogëlushët ata që kanë lajmëruar dy ditë më parë uniformat blu duke çuar në arrestimin e 45-vjeçarit.
Mësohet se Bardhok Kurti ishte shok me bashkëshortin e gruas prej disa vitesh, madje ata kishin punuar bashkë në Greqi në të njëjtin vend, por pak kohë më parë ai ishte kthyer. Të shtunën ai ka shkuar në shtëpinë e shokut për vizitë, për shkak edhe se ishin fqinj, ku dhe ka tentuar që të abuzojë seksualisht me 34-vjeçaren.
Redaksia Java News/ f.g
