Një vlonjat ka përfunduar në burg pasi ka tentuar që të korruptojë policët e qarkullit rrugor të këtij qyteti.
Burime zyrtare nga policia e Vlorës bëjnë me dije se në pranga është vënë Artan Balliu, 40 vjeç, banues në Vlorë.
Ngjarja bëhet e ditur se ka ndodhur ditën e djeshme në aksin rrugor Vlorë-Zvërnec, ku pranë kryqëzimit të Triportit, punonjësit e policisë së qarkullimit rrugor, kanë ndaluar automjetin tip Mercedes-Benz me targë VL 1542 C, me drejtues Artan Balliu-n.
Gjatë kontrollit të dokumentacionit të këtij mjeti është konstatuar se ishin jashtë afateve, gjë që ka bërë që drejtuesi i mjetit ka tentuar t’u japë 10.000 lekë (dy copë me prerje 5.000 mijë lekë) punonjësve të policisë së qarkullimit rrugor, me qëllim që ti shmangej masës administrative dhe të mos i bllokohej automjeti.
Policia ka sekuestruar në cilësinë e provës materiale:
– automjetin Mercedes-Benz,
– dy kartëmonedha me prerje 5.000 lekë (në total 10.000 lekë)
– dokumentacionin e skaduar të mjetit, etj.
Materialet iu kaluan Prokurorisë për veprën penale “Korrupsion aktiv ndaj personave që ushtrojnë funksione publike”. /b.d
