Një 51-vjeçar nga qyteti i Fierit është arrestuar nga policia e këtij qyteti pasi tentoi të dhunojë një prokurore.
Bëhet fjalë për shtetasin Arben Myzeqari i cili ka kërcënuar prokuroren në sallën e gjyqit.
Sipas policisë, Myzeqari, duke shprehur pakënaqësinë për aktet që kishte përgatitur në një dosje hetimore prokurorja E.Sh. tentoi ta dhunojë atë.
Ngjarja ka ndodhur në një prej sallave të Gjykatës së Fierit.
U desh ndërhyrja e punonjësve të sigurisë për të qetësuar situatën. Më pas uniformat blu bënë prangosjen e 51 vjeçarit.
