Policia franceze ka vënë në pranga atentarorin e sulmit me armë në një shkollë në Francë ku mbetën të plagosur 3 persona.
Sipas BBC 17-vjeçari i arrestuar në Grasse të Francës ishte i armatosur me 3 armë dhe 2 granada, dhe sulmoi gjimnazin ku ai ishte student, “Tocqueville”.
Policia tha se drejtori i shkollës ishte shënjestra kryesore e të riut, i cili ishte në mesin e 3 të plagosurve. Komandot anti-terror u dërguan menjëherë në vendngjarje pasi u dyshua për ndonjë sulm terrorist.
Presidenti rajonal Christian Atrosi tha se “rrethanat mbeten ende të paqarta, por se policia po punon për zbardhjen e plotë”. Disa studentë raportuan se ishin larguar menjëherë nga shkolla pasi kishin dëgjuar të shtënat.
Një ministre e qeverisë, Juliette Meadel, shkruajti në rrjetet sociale se të gjithë studentët janë të sigurtë dhe shprehu keqardhje për prindërit e të lënduarve./a.ç
