Policia e Tiranës arestoi një 23-vjeçar i cili mbrëmjen e së hënës tentoi vetëvrasjen. Ngjarja ndodhi në banesën e tij në zonën e Bathores. Bëhet fjalë për shtetasin Dashamir Çajka, i cili kishte tentuar edhe më parë vetëflijimin.
Detajet e ngjarjes
Më datë 13.03.2017, nga Specialistët e Komisariatit të Policisë Nr 5, është arrestuar në flagrancë shtetasi:
• Dashamir Çajka, 23 vjeç, banues në Tiranë
Ky shtetas më datë 13.03.2017, rreth orës 21:00, në banesën e tij, ka tentuar të kryej vetvrasje.
Po punohet për zbulimin e arsyes së këtij veprimi vetflijimi, gjithashtu nga hetimet e kryera është zbuluar se ky shtetas ka tentuar edhe më parë të kryej një vetvrasje, më saktësisht në vitin 2014, ka konsumuar një sasi të lartë medikamentesh.
Në cilësinë e provës materiale është sekuestruar:
– Një armë zjarri pistoletë e llojt “VOLTRAN MINI”, me një krëhër dhe dy fishekë.
Materialet proceduriale i’u kaluan Prokurorisë pranë Gjykatës së Shkallës së parë Tiranë, për veprën penale “Prodhim dhe mbajtje pa leje të armëve dhe municioneve luftarake”, parashikuar nga Neni 273 i Kodit Penal.
/a.m.
