Një person i cili ka tentuar të vjedhë lekët e hedhura nga besimtarët në arkën e një kishe në Këlcyrë, është vënë në prangat e policisë.
Bujar Kalemi, 43 vjeç, banues në Zhapokikë, Memaliaj, u arrestua pasditen e kësaj të hëne.
Prangosja e tij u bë pasi ka tentuar të vjedhë lekët në arkën e kishës së Shënkollit në Këlcyrë.
Ishte sinjalizimi i policisë nga ana e banorëve të zonës, ajo që çoi në arrestimin e Kalemit, pa mundur të marrë asgjë.
Ndaj të dyshuarit hetimet janë në vijim, ndërkohë që materialet iu referuan Prokurorisë së Gjirokastrës për ndjekje të mëtejshme.
Aktualisht po punohet për të zbuluar raste të tjera, ku Kalemi mund të jetë i përfshirë./a.m.
