Një 42-vjeçar me inicialet O. Ll. ka rënë në prangat e policisë së Fierit, pasi ka tentuar të grabisë një biznes (kioskë) duke thyer xhamat.
Sipas asaj që njofton policia ngjarja ka ndodhur në lagjen “1 Maji”. Autori i arrestuar është banues në Lushnje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
Njoftimi i policisë:
Policia parandaloi një tjetër rast të vjedhjes së bizneseve.
Tentoi të vidhte një biznes (kioskë) duke thyer xhamat, kapet në flagrancë autori.
Ndërhyrja në kohë e Policisë bëri të mundur kapjen dhe arrestimin në flagrancë të 42 vjeçarit.
Patrullat e Policisë së Komisariatit Fier kanë marrë informacion se në lagjen “1 Maji” dikush po tenton të grabisë një kioskë duke thyer xhamat dhe janë venë në ndjekje të autorit.
Si rezultat nga Specialistët për Hetimin e Krimeve të Komisariatit të Policisë Fier në bashkëpunim me shërbimet e Patrullës së Pergjithshme u bë e mundur kapja dhe arrestimi në flagrancë i shtetasit O. Ll., 42 vjeç, banues në Lushnjë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
/a.r
