Është vënë në pranga një 51-vjeçar nga Vlora, pasi ka tentuar të korruptojë punonjësin e policisë.
Policia thotë se ka bërë arrestimin e Jetnor Goxhaj, në aksin rrugor të lagjes “Partizani” pasi u kap në flagrancë duke drejtuar automjetin tip Ford, mbi të cilin ndodheshin 4 pasagjerë, duke e përdorur mjetin si “Taxi” me destinacion drejt qytetit të Fierit.
Goxhaj është konstatuar i pa pajisur me dokumentacionin përkatës dhe në këto kushte i ka ofruar 500 lekë punonjësit të policisë së qarkullimit rrugor me qëllim që të mos ndëshkohej.
Policia ka bllokuar mjetin si dhe ka bërë arrestimin e tij në flagrancë për kryerjen e veprave penale “Korrupsioni aktiv ndaj personave që ushtrojnë funksione publike”, “Punësim i paligjshëm”,”Fshehja e të ardhurave” dhe “Mospagimi i taksave”./a.m.
