Policia e Durrësit ka prangosur rojen e një firme inertesh pasi disa persona kanë tentuar që të grabisin zyrat e firmës.
Burime nga policia e Durrësit bëjnë me dije se në pranga është vënë Gëzim Llani 53 vjeç, banues në Tapizë, Krujë, me detyrë roje objekti në një firmë insertesh.
Arrestimi i tij, ka ardhur pasi gjatë natës, në Tapizë, Krujë, persona të paidentifikuar kanë tentuar të vjedhin Zyrat e Administratës së firmës ku G.Llani ishte i planizuar në shërbim për ruajtje.
Autorët kanë thyer derën dhe hapur me forcë kasafortën, por nuk kanë marrë gjë pasi nuk ka pasur vlera monetare.
Arrestimi i rojës ka ardhur pasi nuk ka ushtruar kontroll në objekt, si dhe nuk ka konstatuar vjedhjen.
Ndërsa, policia thotë se vazhdon puna për identifikimin e autorëve dhe kapjen e tyre.
Materialet I kaluan Prokurorisë së Rrethit Gjyqësor Krujë për veprime të mëtejshme për veprën penale “Shpërdorimi I detyrës “në ngarkim të G.llani. /b.d
