Ministri i Jashtëm i Kinës e ka quajtur vizitën e kryetares së Dhomës së Përfaqësuesve të SHBA-së, Nancy Pelosi në Tajvan si “të papërgjegjshme dhe irracionale”.
Gjatë një takim të vendeve të Azisë Juglindore, Wang Yi i doli në mbrojtje stërvitjeve ushtarake të Kinës në detet rreth Tajvanit, në përgjigje të vizitës në Pelosit në vend.
Pelosi bëri një ndalesë të shkurtër në Tajvan në ishull të mërkurën, gjatë një turneu në rajon.
Kina reagoi duke nisur stërvitjet e saj më të mëdha ushtarake ndonjëherë në rajon.
Pelosi është politikania më e lartë amerikane që ka vizituar ishullin në 25 vjet. Vendimi i saj për të ndaluar në ishull ka zemëruar Pekinin, i cili e konsideron Tajvanin si një provincë të shkëputur të Kinës.
SHBA nuk e njeh zyrtarisht Tajvanin, por mban një marrëdhënie të fortë me ishullin, përfshirë shitjen e armëve për t’u mbrojtur vendin.
Duke folur gjatë një takimi të ministrave të jashtëm të Azisë Juglindore në kryeqytetin e Kamboxhias, Phnom Penh, Wang tha se vendi i tij kishte bërë gjithçka që mundej për të shmangur një krizë, por se ai nuk mund të “lejojë që interesat e tij thelbësore të cenohen”.
Komentet e tij erdhën pasi ministrat e jashtëm të Azisë Juglindore kishin paralajmëruar më herët se tensionet në rritje mbi Tajvanin mund të nxisnin konflikt të hapur në rajon.
Një deklaratë nga Shoqata e Kombeve të Azisë Juglindore (ASEAN) bëri thirrje për përmbajtje maksimale dhe kundër çdo veprimi provokues.
Ndërsa theksuan se veprimet e fundit mund të çojnë në “llogaritje të gabuar, konfrontim serioz, konflikte të hapura dhe pasoja të paparashikueshme midis fuqive të mëdha”.
Wang tha se Tajvani “përfundimisht do të kthehet tek atdheu i tij”.
Qeveria kineze ka kërcënuar se do të pushtojë ishullin me forcë nëse përpjekjet e tjera për bashkim janë të pasuksesshme.
Rusia, e cila mban marrëdhënie të mira me Pekinin, tha se Kina kishte “të drejtën sovrane” për të mbajtur stërvitjet.
“Tensioni në rajon dhe rreth Tajvanit u provokua nga vizita e Nancy Pelosi”, tha të enjten zëdhënësi i Kremlinit Dmitry Peskov.
g.kosovari
