Kryetarja e Komisionit të Jashtëm Arta Dade, në fjalën e saj nga salla e Kuvendit, u përqendrua në zhvillimet e fundit në Kosovë ku situata është tensionuar së tepërmi.
dade ka kritikuar ashpër qëndrimin e disa vendeve të Bashkimit Evropian, por pa specifikuar se për kë shtet e ka fjalën.
Sipas Dades, disa vende të BE-së kanë zgjedhur të frenojnë qeverinë e Kosovës, për tensionet dhe veprimet e krijuara nga serbët, dhe jo t’i tërheqin vëmendjen qeverisë së Beogradit.
“Disa vende të BE-së po mbajnë qëndrime që kanë të bëjnë me frenimin e qeverisë së Kosovës lidhur me tensionet e fundit të krijuara, dhe jo në tërheqjen e vëmendjes ndaj politikës serbe. Kjo pasi situata është mjaft serioze.” tha Dade./a.m.
