Një aksion të gjerë është zhvilluar në orët e para të mëngjesit të sotëm nga Policia e Kosovës.
Nga ky aksion i policisë janë prangosur dhjetëra zyrtarë të policisë të nacionalitetit serb.
Deri më tani numri i të arrestuarve ka kaluar mbi 30. Të gjithë këta dyshohet se janë të përfshirë në krim të organizuar dhe vepra të tjera penale.
Operacioni është zhvilluar në 4 komunat me shumicë serbe, teksa Policia e Kosovës është vënë në kërkim të të dyshuarve për vrasjen e një polici, të identifikuar si Enver Zymberi, si dhe ish-politikanit serb, Oliver Ivanoviç.
Sipas telegaf, operacioni ka nisur pak pas orës 05:00 të mëngjesit të së martës.
Ndërhyrjes së mëngjesit të sotëm i ka paraprirë një hetim disamujor i IPK-së dhe Policisë së Kosovës, udhëhequr nga Prokuroria Speciale e Kosovës, që ka rezultuar me dyshime të bazuara të përfshirjes së disa zyrtarëve të policisë dhe qytetarëve në vepra penale.
Ata dyshohen për “pjesëmarrje ose organizim të grupit kriminal”, “kontrabandë mallrash”, “shpërdorim të pozitës zyrtare”, “dhënie ryshfeti”, “tregti e ndaluar” etj..
Alarmi që përdoret nga serbët e veriut e që simbolizon tubim të menjëhershëm është aktivizuar rreth orës 06:00, por deri më tani nuk vërehen qytetarë të jenë mbledhur.
Alarmi u dëgjua edhe një orë më pas.
Ndërkohë pas aksionit të policisë së Kosovës e cila ka arrestuar në Veri disa policë serbë të lidhur me krimin e organizuar, duket se situata eshte tensionuar.
Kreu i shtetit serb ka urdhëruar ushtrinë dhe policinë e Serbisë që të vihen në gjendje gatishmërie, raporton Express.
Edhe pse bëhet fjalë vetëm për arrestime në mediat serbe po njoftojnë se policia serbe apo ROSU siç i referohen ata ka ” hyrë në Veri” duke e dramatizuar situatën.
Është interesante se një aksion të tillë të policisë Vuçiç ka kohë që e ka paralajmëruar.
g.kosovari
