Një ngjarje makabër e ndodhur në fshan Gjerbës të Mallakastrës, ku 51-vjeçarja, Drita Saliaj u masakrua për vdekje nga tre të rinj, një prej të cilëve ishte nipi i bashkëshortit të saj, tronditi mbarë opinionin publik. Dy 16-vjeçarët, Luis Saliaj dhe Sindi Shehaj, së bashku me 26-vjeçarin, Ervis Zotaj, torturuan, vranë dhe më pas hodhën në rezervuar 51-vjeçaren.
Ngjarja shokuese ndodhi orët e vona të mbrëmjes së 5 janarit në banesën e 51-vjeçares, ndërsa u zbulua se viktima ishte torturuar në mënyrë çnjerëzore. Hetimet zbuluan se 51-vjeçarja ishte përdhunuar nga 26-vjeçari Zotaj. Më pas të rinjtë e lidhën me litar viktimën dhe e hodhën në rezervuar.
Por dërgimi i njërit prej autorëve të krimit monstruoz në Mallakastër në paraburgimin e Burgut të Fierit ka shkaktuar tensione të forta.
Të burgosurit kanë refuzuar që 26-vjeçarit Ervis Zotaj të qëndrojë në sektorin e tyre. Sipas tyre, i riu ka kryer një krim monstruoz dhe nuk mund të qëndrojë aty, raporton Balkanweb.
Madje personat që ndodhen në paraburgim kanë ushtruar dhe dhunë verbale ndaj autorit të krimit të rëndë, atij të vrasjes makabre të Drita Saliaj, e cila u përdhunua, u mbyt dhe u hodh në rezervuar.
g.kosovari
