Një incident ka ndodhur gjatë protestës së studentëve para Ministrisë së Arsimit. Teksa një pedagog ka tentuar të marrë fjalën, studentët nuk e kanë lejuar pasi sipas tyre është pjesë e një lëvizje dhe ka qëndrim politik.

Studentet janë përplasur fizikisht me pedagogun dhe e kanë dëbuar me forcë.

Studentët kanë kundërshtuar me forcë marrjen e fjalës së pedagogut Jani Marka, pjesë e Organizatës Politike.

“Nuk duam politike në protestë. Je përfaqësues i Levizjes komuniste. Nuk e duam kete levizje ne proteste”, deklaruar studentet

“Forumet rinore të partive opozitare synojnë të marrin nën kontroll protestën“, tha një student tjetër.

“Këtu nuk kanë vend as deputetë, as levizje, as njerez të politizuar. KJo është protesta jonë dhe e qytetarëve të lirë. Gabuam që dëbuam dje banorët e Astirit, por nuk mund ta bëjmë politike protestën”, tha nje drejtues i protestës.

E ndërsa disa nga studentët e larguan pedagogun, njëri prej studentëve i ka dalë në mbrojtje.

“Këta të dhunshmit nuk janë studentë, distancohemi nga dhuna, profesori është me ne. Ftoj cdo profesor që të na bashkohet, distancohemi nga dhuna, këto janë shkasa për ta prishur këtë frymë lirie” deklaroi njëri nga studentët.

Studentët kundër pedagogut: Arlind Qori, largohu nga protesta jonë!

Në një pankartë të shpalosur nga studentët i kërkohet pedagogut Arlind Qori që të qëndrojë lart tyre. “Arlind Qori nuk na përfaqëson, largohu nga protesta jonë”, shkruhet në pankartë.

Të pyetur se pse kjo thirrje për profesorin, i cili drejton Lëvizjen për Universitetin, njëri nga studentët tha: Nuk duam politikë në protestë, nuk duam praninë e neo-komunistëve. Ai po mundohet të na çajë protestën. Por ne jemi të bashkuar.

Pedagogu është i njohur për aksionet e tij në Lëvizjen për Universitetin kundër reformës në arsimit të lartë dhe është pjesë e së ashtuquajturës Organizata Politike, e njohura për qëndrimet e saj markiste.