Parisi dhe me të e gjithë Franca,k janë ende të zhytur në panik dhe këtë gjë e vërteton ajo çfarë ndodhi në sheshin Republika dhe kërkesa e Presidentit Francez Hollande drejtuar Parlamentit. Në sheshin Republica, aty ku qindra persona ishin duke kryer homazhe në nder të viktimave të Parisit, kanë plasur një sërë skenash paniku raporton media britanike BBC.
Paniku ka ardhur pasi njerëzit kanë kujtuar se kanë dëgjuar të shtëna armësh, por mesa mësohet deri tani ka qenë një alarm fals.
Sakaq, Presidenti Francez Hollande tha se do të kërkojë nga Parlamenti që gjëndja e emergjencës në Francë të qëndrojë për 3 muaj, raportojnë burimet e Agjensisë Franceze AFP në Parlament.
Për këtë kërkesë do të duhet votimi i parlamentit francez, pasi një zgjatje e gjëndjes së jashtëzakonshme për më shumë se 12 ditë kërkon aprovim parlamentar.
