Është zhvilluar me debate të forta mbledhja e paradites së sotme në Komisionin Qendror të Zgjedhjeve. Ka qenë përfaqësuesi ligjor i PDIU-së Gazmend Osmani i cili ka replikuar me tona të forta me kryetaren e KQZ-së Lefterie Luzi, për përjashtimin e kësaj partie nga grupet e numërimit në zgjedhjet vendore.
Mësohet se edhe pse çështja nuk ka qenë në rend dite, përfaqësuesi i PDIU-së e ka quajtur vendimin e djeshëm absurd. Madje në replikat e tyre, ai ka goditur edhe tavolinën.
Në këtë situatë, Luzi ka kërkuar ndihmën e “Security”, ndërsa është bërë një pushim prej 10 minutash, për të rinisur sërish më vonë. Sakaq, përfaqësuesi i PDIU edhe pse u tha se nuk do të jetë më pjesë e kësaj mbledhje, ai është ulur sërish.
Përfaqësuesi i PDIU: Do më masësh kohë 5 minuta ti pa filluar? Jo nuk të dëgjoj fare pa filluar unë
Luzi: Do më dëgjosh mua e nuk do flasësh e ka kodi për çështje jashtë rendit të ditës 5 min dakord? Përfaqësuesi i PDIU: Vendimmarrja absurde pa logjikë, nisur nga rasti i djeshëm që tre vendimmarrje i revokuat shpresoj ta revokoni edhe këtë vendimmarrje, keni marrë citate të miat dhe i keni përdorur me logjikën tuaj fshatareske
Luzi: Të lutem mbylle sepse unë njoftoj security dhe ju nxjerr jashtë, ka kod etike që duhet ta respektosh, nuk ju kam ofenduar asnjë herë
Përfaqësuesi i PDIU i bie tavolinës me gusht
Luzi: Të lutem lajmëroni security Edhe 10 minuta pushim dhe ti do dalësh përjashta dhe nuk futesh më, e vendos unë
Përfaqësuesi i PDIU: As ju nuk bëni më mbledhje
