Afati i tenderit për projektin e stadiumit të ri kombëtar “Qemal Stafa” është mbyllur sot.
Federata Shqiptare e Futbollit njofton se nga 12 subjektet e regjistruara për pjesemarrje në këtë tender, sot ka paraqitur ofertë vetëm shoqëria ‘Alb-Star shpk’.
FSHF thekson se, shqyrtimi dhe vlerësimi i ofertes së paraqitur do të kryhet rregullisht nga ana e Komisionit të Vlerësimit të Ofertave në përputhje me kërkesat dhe kushtet e përcaktuara në dokumentat e tenderit.
Ndërkohë, në ditët në vijim do të ketë informacion për ecurinë e procedurave dhe konkluzionet e vlerësimit.
