Bujar Murati, administratori i Euro Alb i arrestuar sot për tenderin korruptiv prej 24 mln lekë me kryebashkiakun e Lushnjes, Fatos Tushe ka qenë i arrestuar edhe në 2009 gjatë operacionit ‘Prokurimi i fundit”. Në atë kohë Murati ishte drejtor i përgjithshëm i prokurimeve publike.
Bujar Murati
Bujar Murati, administratori i Euro Alb i arrestuar sot për tenderin korruptiv prej 24 mln lekë me kryebashkiakun e Lushnjes, Fatos Tushe ka qenë i arrestuar edhe në 2009 gjatë operacionit ‘Prokurimi i fundit”. Në atë kohë Murati ishte drejtor i përgjithshëm i prokurimeve publike.
Sipas hetimeve në 2009 për zbardhjen e aferave korruptive që po kryheshin me tenderin prej 125 mijë eurosh të uniformave blu, i arrestuar ishte edhe Bujar Murati, drejtor i Përgjithshëm i Zhvillimit të Procedurave të Përqendruara të Prokurimit pranë Ministrisë së Brendshme. Sipas prokurorisë, katër biznesmenë të kompanive të ndryshme i kanë paguar shuma të majme Muratit, duke u paracaktuar fitues në tenderin për uniformat.
Sot Bujar Murati ishte biznesmen i kompanisë “Euro alb” duke përfituar fonde publike. Euro Alb shpk ka qenë kompania e vetme në garë dhe ky investim do të kryhej në fshatin Bitaj thuhet në tender.Murati, pronari kompanisë akuzohet për kryerjen e veprave penale të “Falsifikim i dokumenteve “kryer në bashkëpunim të parashikuar nga 186 dhe 25 të Kodit Penal. (Shqiptarja.com)
