Aleatët e vegjël të Partisë Demokratike, kërkojnë një zgjidhje urgjente nga Lulzim Basha ndaj bojkotit, pas takimit me zëvendëssekretarin e shteit Yee. Burime nga partitë aleate thonë se pasi kanë dëgjuar qëndrimin e prerë të zyrtarit amerikan, ata po i kërkojnë Bashës të dal me një zgjidhje për bojkotin.
Shehi, Duka, Dule, Mediu dhe Ndoka kanë marrë pjesë me këmbnguljen e tyre në këtë takim, por duket se nuk kanë dal në një mendje me Bashën prej andej. Pritet deklarimi i tyre publik lidhur me garancitë që Basha u ka dhënë për të qëndruar jashtë zgjedhjeve, apo për t’iu bashkuar procesit.
Më parë Basha u ka premtuar atyre vend të sigurtë në listat e PD, por kjo gjë duket shumë e largët, nëse PD nuk hynë në zgjedhje, kundër vullnetit perëndimor. /tema
