Kina është në përfundim të montimit të radio-teleskopit më të madh në botë i cili do të jetë në gjendje të kërkojë materien e zezë. Teleskopi FAST, ndërtimi i të cilit kishte nisur në marsin e vitit 2011, gjendet në zonën rurale Guixhu, në njërën nga provinca m të varfra në Kinë, ndërmjet tri bjeshkëve që i sigurojnë mbështetje natyrore .
Teleskopi do të jetë në përdorim brenda një viti në rajonin ku një e katërta e popullatës jeton nën kufijtë e varfërisë , thotë gazeta e Hong Kongut South China Morning Post dhe shton se ai do të mbulojë hapësirën e barabartë me 30 terrene futbolli, transmeton Koha.net.
Bashkësia shkencore e quan teleskopin me akronimin FAST nga fjalët anglisht Five-hundred-meter Aperture Spherical radio Telescope) që shqip është Radio-teleskop i formës sferike me diametër pesëqind metra.
“Teleskopi do të na ndihmojë të hulumtojmë jetë inteligjente jashtë galaktikës sonë si dhe origjinën e gjithësisë” ka thënë drejtori i Kompanisë astronomike kineze, Vu Siangling.
