Telefoni celular i Jeff Bezos u hakua pasi në vitin 2018 ai mori një mesazh në WhatsApp nga princi i kurorës së Arabisë Saudite.
Kështu shkruan prestigjiozja britanike, “The Guardian“, i cili raportoi të martën se miliarderi i Amazon kishte marrë një mesazh nga numri i telefonit personal i Mohamed Bin Salman, i cili përmbante “një video dokument të rrezikshëm”.
Sipas ekzaminimit të telefonit më pas, mesazhi u dërgua më 1 maj të vitit 2018 dhe supozohet se brenda disa orësh, u nxor një sasi e madhe e të dhënave nga telefoni i Bezos. Tetë muaj më pas u publikua edhe afera e miliarderit me Lauren Sanchez
Gjithsesi, sipas mediumit në fjalë, nuk ka detaje se çfarë lloj të dhënash u morën. Në atë kohë, Bezos dhe bin Salman kishin shkëmbyer mesazhe miqësore.
Kjo kishte ndodhur pesë muaj para se Jamal Khashoggi opinionisti i gazetës së Bezos, “The Washington Post” dyshohet se u vra nga regjimi i Arabisë Saudite.
Megjithatë, Arabia Saudite ka mohuar të kenë pasur dorë dhe thonë se vrasja e Khashoggit ishte një aksident për të cilin disa persona tani ndodhen në burg edhe pse gjyqi ishte i fshehtë dhe u kritikua shumë si një ‘turp’.
Sipas burimeve të “The Guardian”, Agnes Callamard, raportuesi i posaçëm i OKB i cili heton vrasjet jashtëgjyqësore, është bërë i vetëdijshëm për hakimin e dukshëm nga Arabia Saudite.
Hetuesit atje tani po shqyrtojnë një qasje zyrtare ndaj Arabisë Saudite për të kërkuar një shpjegim, thonë burimet e tyre pa emër.
Arabia Saudite më parë mohoi të ketë hakeruar telefonin e Bezos pasi hetuesi privat i Bezos, Gavin de Becker, bëri kërkesë në mars. Një avokat i Bezos i ka thënë “The Guardian” se “nuk kam asnjë koment për këtë përveç që të them se z. Bezos po bashkëpunon me hetimet”.
g.kosovari
