Për 60 minuta i gjithë kryeqyteti mbajti frymën nga një vinç pranë Pallatit të Kulturës, ku një 35-vjeçar nga Lezha i identifikuar si Saimir Zalli kërcënonte se do të hidhej.
Ai është parë të flasë në telefon teksa konsumonte cigare, ndërsa personi me të cilin fliste ishte gazetari i News 24, Artan Hoxha.
Në një rrëfim për BalkanWeb, gazetari Hoxha tregon të gjithë bisedën që ka pasur me 35-vjeçarin dhe se si e ka bindur që fillimisht të zbresë nga vinçi.
“Më mori në telefon dhe më tha që quhej Saimir e se hallin që kishte mund t’ja zgjidhja vetëm unë. Duke qenë se nuk isha afër vendit ku po kërcënonte se do hidhej i thashë po të dërgoj një kolegun tim. Fillimisht i kërkova të zbriste që aty se do merresha unë me problemin e tij. Ai këmbëngulte tha se ka një hall të madh”,- tha Hoxha për BalkanWeb./a.m.
