Dalin detaje të reja nga hetimet për rrëmbimin dhe vrasjen e Jan Prengës. Zbardhet emri i një nga personave që është në kërkim nga policia për krimin e rëndë.
Ai është Dritan Rexhepaj dhe dyshohet se është personi nga Vlora që urdhëroi pengmarrjen e Prengës.
Telefonata për rrëmbimin e Prengës erdhi nga një burg i sigurisë së lartë në Ekuador, ku Rexhepaj ndodhet aktualisht.
Burime nga hetimet thanë se Rexhepaj komunikonte me grupet kriminale nga burgu.
Policia e ka identifikuar vetëm me iniciake Rexhepajn deri më tani dhe në njoftimin e shpërndarë për mediat thuhet “D. R., nga Vlora, i konsideruar si një nga personazhet më të fuqishëm në botën e krimit në Vlorë, i cili në vitin 2014 është arrestuar me 240 kg kokainë në Ekuador, më herët ishte akuzuar për përfshirje në vepra kriminale në Shqipëri”.
