Nuk përfundojnë telashet për yllin e Realit të Madridit Cristiano Ronaldo, i cili pasi nuk arriti të fitojë asnjë trofe këtë vit, rrezikon të përballet me ligjin.
Ai akuzohet në Portugali për evazion fiskal. Është portali informativ Sportyou.es i cili thekson se ndaj portugezit kanë filluar hetimet në vendlindjen e tij rreth dyshimeve se ai i është shmangur tatimeve.
Periudha në të cilën dyshohet se Ronaldo ka bërë shmangje është nga viti 2013 dhe 2014.
Kohë më parë Leo Messi u përball në Spanjë me akuza të tilla, ku i duhej të paraqitet në gjykatë.
