Deputeti Pandeli Majko ka komentuar në rrjetin social Facebook debatin e mundshëm midis Veliaj dhe Kosovës.
Sipas tij, ky është një lajm i mirë dhe nëse do të zhvillohej si debat, do të respektonte 1 milion banorët e një komuniteti, siç është Bashkia Tiranë.
“Komunikimi i stafeve dhe vendosja e një grafiku komunikimesh publike të përbashkëta në tryezat më të ndjekura televizive do t’i japë fund një kulture “gri” politike e cila ka thelluar hendekun midis politikës dhe publikut në vend” – shkruan Majko.
Ai thekson se doktor Kosova e ka nje “homolog” në fushatën për Bashkinë e Tiranës, i cili kishte javë që ia kujtonte këtë fakt dhe ky është Erion Veliaj.
“Vendimi i kandidatit të opozitës është një akt në drejtimin e duhur. Urime Doktor Kosovës. Veç kujdes se Velia në studion televizive është në “maternitetin” e tij” – përfundon postimin e tij deputeti socialist..
