Paul Pogba, mesfushori kryesor i Juvenstusit, po jepte maksimumin e tij në fushën e ndeshjes kundër ekipit të Interit, në derbin e Italisë, por ndërkohë në Torino, hajdutët kishin bastisur shtëpinë e tij, duke vjedhur bizhuteri e rroba.
Kështu pas zhgënjimit në fushën e ndeshjes, ku nuk u arrit fitorja, Pogba mer një tjetër surprizë gjatë rrugës së tij për në shtëpi, në qytetin e Torinos.
Hajdutët, kanë përfituar nga mungesa e tij për tu infiltruar në zonën e Santa Ritas, ku gjendet shtëpia e Pogba.
Grabitësit kanë mundur të hyjnë përmes një dritareje në shtëpinë e yllit të Juventusit, që sipas gjasave ka qenë e dëmtuar e kësisoj e kollajtë për tu hapur.
Nga apartamenti mungojnë një sërë bizhuterish ari si dhe disa veshje të shtrenjta, ndërkohë që mbi këtë cështje tashmë kanë nisur hetimet karabinierët.
