Kreu i Kuvendit, Gramoz Ruçi i ka prerë fjalën kryeministrit Edi Rama, teksa ka qenë në replikë me deputeten Rudina Hajdari për cështjen e shembjes së Teatrit Kombëtar.
Që në nisje të fjalës në fakt, Rama e njoftoi se ishte paralajmëruar nga zyra e kryetarit të Kuvendit se do të kishte kohë vetëm 10 minuta për fjalën dhe 3 minuta replikë, dhe pas kësaj fjala do t’i ndërpritej.
Dhe ashtu ka ndodhur.
Duke iu përgjigjur Hajdarit Rama ka lexuar mesazhin e një demokrati, sipas tij, që nuk i kursen kritikat ndaj kryeministrit:
Rama: Eshtë e kotë, nuk ia vlen të rikthehesh për të rivënë në vend gjërat që the e pastaj i dëgjon të përkthyera gabim nga shqipja në shqip, lista të hapura me një fjalë, por e shfrytëzoj këtë replikë për t’ju lexuar një koment nga FB të një demokrati që nuk i kursen ato që ka për mua, por që në ato ditët pas tragjedisë shekspiriane të shembjes së karakatinës italiane shkruante:
“Na thatë në 2013 kur na e mori Edvini se do bie shpejt, se ka premtuar gjëra që nuk bëhen dhe do ngrihet populli i zhgënjyer, erdhi 2015 na iku ene Tirona, na thatë futuni në cadër se do bjerë vetë dhe po nuk ra do vijë populli ta rrëzojë, populli nuk erdhi, erdhi Luli na tha dilni se fituam, po ca fituam, fitoi prapë Edvini, e pastaj na thatë na e futi Amerika, ndaj ska llafe, e zgjedhje, o burra revoltë popullore.
Erdhi 2019 ikët nga parlamenti na ikën edhe gjithë bashkitë dhe populli nuk u duk gjëkundi pas nesh se u tretën edhe ata të bashkive që i nxirrnim në protesta. Kur ikën të gjitha dolën edhe nga parlamenti na thanë o burra te Unaza e Re se aty do ta kapim, se do vijë populli e ska më shans.
U ngrysëm me muj dhe e vetmja fitore qe i nate, që Edvini tu u kthy nga Vlora, i ra nga Elbasani, populli nuk erdhi erdhën fadromat dhe ne na ngeli libri i çunit të Fahriut. Pastaj doli që lepri fle te teatri, oburra pas Lulit me dhënë jetën aty bashkë me popullin, iku dhe teatri e populli prapë nuk erdhi se Luli na thotë se e paska synin te reforma zgjedhore.”
/a.r
