Mediat ndërkombëtare i kanë kushtuar vëmendje edhe protestës së ditës së sotme pas shembjes së Teatrit Kombëtar.
Në median e famshme amerikane “New York Times” , është shkruar se teatri u rrëzua të dielën, ku policia duhej të shkëpuste fillimisht një grup artistësh dhe disa drejtues të opozitës larg ndërtesës së krijuar nga fundi i viteve 1930 në Tiranë përpara se makinat e rënda të fillonin ta rrëzonin.
“Duke mohuar një ndalesë bllokimi për tubime masive, disa mijëra njerëz u mblodhën pranë Ministrisë së Brendshme, afër vendit të ndërtesës, për të mbështetur artistët në protestën e tyre kundër qeverisë së qendrës së majtë të kryeministrit Edi Rama”, është shkruar në artikull.
“Us News and World Report” ka shkruar se artistët shqiptarë dhe mbështetësit e partisë opozitare u mblodhën për herë të dytë për të protestuar kundër prishjes së ndërtesës së shkatërruar të Teatrit Kombëtar në kryeqytet, e cila ka shkaktuar tension të fortë politik mes një debati të madh për trashëgiminë.
“Artistët që i përkisnin Aleancës për Mbrojtjen e Teatrit kishin bërë presion për rinovimin e godinës së vjetër të teatrit, të cilën ata e konsiderojnë si trashëgimi kombëtare”, ishte shkruar në artikull.
Gjithashtu edhe “Washington Post” ka komentuar në lidhje me protestën e sotme në lidhje me shembjen e Teatrit.
“Nuk është e qartë se kur do të fillojë projekti për ndërtimin e teatrit të ri. Fillimisht, një kompani e ndërtimit vendas do të ndërtonte dhe financonte atë në këmbim të dhënies së firmës nga qeveria. Por qeveria braktisi atë plan për shkak të protestave dhe ndërtimi i teatrit të ri tani do të financohet nga bashkia e Tiranës”, është shkruar nga media amerikane.
