Janë 5 kandidatët për postin e drejtorit të Teatrit Eksperimental “Kujtim Spahivogli” që kanë prezantuar platformat e tyre në Ministrinë e Kulturës.
Pas dorëheqjes së Altin Bashës nga posti i drejtorit të Teatrit Eksperimental “Kujtim Spahivogli”, ky institucion mbeti pa drejtues. Gara e çelur më herët ka bërë bashkë 5 kandidaturat për këtë post.
Ema Andrea, Genc Fuga, Indrit Çobani, Gjergj Prevazi dhe Ledjon Zoi kanë prezantuar, këtë të premte, në Ministrinë e Kulturës platformat e tyre.
Kalendari artistik dhe buxheti i pamjaftueshëm ka zënë një pjesë të mirë të diskursit mbi menaxhimin e teatrit eksperimental.
Kontratat me aktorë apo me një trupë permanente ishin një tjetër pikë ku kandidatët ndanin mendime të ndryshme.
Agim Bajko, Altin Basha, Berina Kokona, Ejana Xhixha dhe Irena Prici ishin bordi që do të përzgjedhë dy platformat më të mira. Dy emra do t’i paraqiten kryeministrit që do të emërojë edhe drejtorin e ri të Teatrit Eksperimental.
/a.r
