Gjykata Kushtetuese do të shqyrtojë më 3 qershor padinë e Presidentit Ilir Meta për të shpallur antikushtetues vendimin për shembjen e godinës së Teatrit Kombëtar.
Po ashtu më 3 qershor Gjykata Kushtetuese do të shqyrtojë edhe padinë tjetër të Metës për shfuqizimin e vendimit për kalimin e Teatrit Kombëtar në pronësi të Bashkisë së Tiranës si dhe shfuqizimit të procedurës së kontratës për ndërtimin e godinës së re të Teatrit Kombëtar.
Kujtojmë se Teatri Kombëtar u shemb mëngjesin e 17 majit, ngjarje që solli një sërë protestash dhe përplasje mes policisë dhe aktivistëve për mbrojtjen e Teatrit, në krah të të cilëve doli edhe opozita./ b.h
