Nga Mero Baze
Ndërsa Sali Berisha ka nevojë të shtyjë verën me konferenca shtypi dhe të flasë për rinumërimin e votave, të gjitha rezultatet e rinumërimit tregojnë ose korrektësi në numërim, ose ndonjë vjedhje votash mes kandidatëve të PD-së, por edhe ato ende jo në atë shkallë sa të delegjitimojnë mandatet e njëri-tjetrit.
Në gjithë këtë histori bie në sy qetësia dhe indiferenca me të cilën socialistët e shikojnë këtë proces vetëvrasës brenda opozitës, të cilës në këtë rast i shkon për shtat fjala e urtë popullore: “Kërkon të ndreqë vetullat dhe po nxjerr sytë”, dhe ankthi me të cilin e ndjekin kandidatët e opozitës kundër njëri-tjetrit.
Mjafton këto dy fotografi për të kuptuar se çjerrjet e zërit të Berishës për manipulime në zgjedhje janë kthyer në problem të brendshëm të PD-së dhe jo në problem për integritetin e procesit zgjedhor.
Pas gjithë kësaj, është e pakuptueshme kjo teatërsi e opozitës me rinumërimin.
Rinumërimi kërkohet kur je i bindur që ai përmbys rezultatin ose të paktën diskrediton procesin. PD-ja, që tashmë është peng i “misionarit” Berisha, është duke luajtur një teatër të pështirë, ku nga njëra anë bën sikur është dakord me retorikën e manipulimit të zgjedhjeve që pretendon Berisha për të shpëtuar karrigen e tij, dhe nga ana tjetër shikon sesi i kanë vjedhur votat njëri-tjetrit — dhe gjithë problemi i manipulimit po reduktohet në disa banalitete të numërimit të personalizuar me njëri-tjetrin.
Opozita ka dy opsione:
Ose të mbështesë retorikën e Berishës për manipulim të zgjedhjeve dhe të bien dakord që çfarë thotë Berisha është e vërtetë dhe duket sikur janë në një betejë parimore.
Ose të vendosin të mbështesin rinumërimin e kutive dhe të reflektojnë në bazë të tij.
Rruga e parë është më e lehtë dhe e praktikuar pas çdo pale zgjedhjesh prej tyre. Kjo e dyta ka qenë e ndaluar prej tyre, ndaj dhe dogjën kutitë dhe nuk i hapën më 2011. Por meqë tani ua lejon ligji, mund ta ndjekin dhe atë rrugë. Por rruga e dytë është kundër të parës. Hapja e kutive dhe rinumërimi hedhin poshtë manipulimin dhe dëmtojnë PD-në brenda vetes.
Ndaj ky teatër i rinumërimit duhet ose të zgjedhë rinumërimin për të rrëzuar Berishën, ose të zgjedhë Berishën për të rrëzuar rinumërimin. Të dyja bashkë, siç shihet qartë, nuk qëndrojnë, pasi janë kundër njëra-tjetrës. Përveç rastit kur e ke ndarë mendjen që po luan teatër. Si Berisha!
Gjithë PËDËISTËT, ose duhet të zgjedhin që janë të gjithë KASTRAVECA, ose të pranojnë që janë të gjithë PJESHKË…. në funksion të Sal Rrush Berishes.
O mero ti uroji berishes jete te gjate se nuk ke ca te shkruash pastaj .