Kryedemokrati Lulzim Basha ndan mesazhin e komisioneres së Bashkimit Europian për Kulturën, Mariya Gabriel dhe falënderon Europa Nostra dhe ambasadorin Luigi Soreca, lidhur me mbështetjen e dhënë kundër shembjes së Teatrit Kombëtar.
“Faleminderit Mariya Gabriel, Europa Nostra dhe Luigi Soreca për mesazhet e qarta për respektimin e ligjit dhe thirrjen për dialog me artistët dhe ekspertët e trashëgimisë kulturore. Të ndalet menjëherë dhunimi i Kushtetutës dhe ligjit dhe provokimi për prishjen e paligjshme të TK”, shkruan Basha.
Ndërkohë me një postim në Twitter, Grabiel thotë se përpara se të merret vendimi, duhet dialog me shoqërinë civile dhe ekspertët e trashëgimisë kulturore.
“Dialogu me shoqërinë civile dhe ekspertët e trashëgimisë kulturore është i domosdoshëm përpara se të merrni një vendim të pakthyeshëm për Teatrin Kombëtar. Ne inkurajojmë fuqimisht të gjitha institucionet përkatëse kombëtare që të përfshihen tani në një dialog konstruktiv për trashëgiminë kulturore”, shkruan Mariya Gabriel.
/a.r
Faleminderit @GabrielMariya , @europanostra dhe @LSorecaEU për mesazhet e qarta për respektimin e ligjit dhe thirrjen për dialog me artistët dhe ekspertët e trashëgimisë kulturore. Të ndalet menjëherë dhunimi i Kushtetutës & ligjit dhe provokimi për prishjen e paligjshme të TK. https://t.co/DEXZps5rhP
— Lulzim Basha (@lulzimbasha_al) May 15, 2020
