Ka zgjatur vetëm 18 minuta seanca e sotme parlamentare pasi disa nga deputetët e Grupit Bardhi dhe Berisha që arritën të futeshin në seancë përsëritën skenarin e kaosit duke tentuar të pengojnë deputetët e maxhorancës të flasin në foltore.
Fillimisht pati përplasje në hyrje të kuvendit pasi gardistët nuk lejuan deputetët e përjashtuar të hynin në Kuvend. Kur disa deputetë të opozitës arritën të futeshin u përpoqën të ndalonin deputetët e maxhorancës por garda nuk i lejoi.
“Turp! Turp! Thërrisnin ata
‘Turp tju vijë juve që pengoni fjalën e kolegëve’ u tha Nikolla.
Në seancën që zgjati vetëm 18minuta i pranishëm ishte dhe kryeministri Edi Rama. Ndërkohë një grup protestuesish janë mbledhur para kuvendit. Disa deputetë të Rithemelimit flasin para protestuesve.
Kreu i Grupit Parlamentar të Partisë Socialiste, Bledi Çuçi ka folur për mediat pas mbylljes së seancës parlamentare.
Çuçi tha se asnjë deputet i papërjashtuar nuk është ndaluar të futet në sallën e Parlamentit, ndërsa theksoi se ata janë mandatuar për një jetë parlamentare normale.
Ai shtoi se nëse opozita do të vazhdojë me këtë sjellje mazhoranca do të ndjekë rregullat dhe do të vazhdojë me kërkesat për përjashtimet.
“Ata nëse do vazhdojnë kështu, sigurisht edhe ne brenda rregullave edhe kushtetutës do vazhdojmë me kërkesat tona për të përjashtuar këdo që prish seancat plenare apo komisionet
Askush nga deputetët që nuk janë përjashtuar nuk janë ndaluar.
Ky teatër që merr kolegët e përjashtuar dhe vendosi përpara për ti futur me zor, nuk është as absurd, por teatër kukullash”, tha Çuçi./m.j
